Iraganeko begien
begirada artean
beste besakada bat
azken-gaberantz
Atzean da Kuiper-en gerrikoa,
Urrun Oort-en lainoa
Argi izpi metatuek
Bultzatzen naute
Hutsunean barrena
Zuzen gelditu gabe,
Orion ehiztariaren gerrikora
Espiral galaxien
Isiltasunaren hotza entzuteko
Nebulosen arteko bidean
Pulsarren gida jarraituz
Zulo beltzaren
ondoan txiki
Kometak izan ditut lagun
Planeten artean noraezean
Ikusi ditut mundu izoztuak
Baita ere ihartuak